“ГРАНД СПА” БИЕ УГААЛГА, МАССАЖНЫ ГАЗРЫН ҮЙЛ АЖИЛЛАГААГ ТҮР ХУГАЦААГААР ЗОГСООЛОО


Иргэний гаргасан гомдлын дагуу БГД-ийн 4-р хороо, 2-р хороолол, Гаалийн 2-р байрны 23 тоотод үйл ажиллагаа явуулж буй “Гранд спа” бие угаалга, массажны газарт 2019 оны 05-р сарын 15-ны өдөр хяналт шалгалт хийлээ. Шалгалтын явцад бие угаалга массажны газар нь зориулалтын бус, эрүүл ахуйн шаардлагад нийцээгүй байранд үйл ажиллагаа явуулж байна. Мөн үйл ажиллагаа эрхлэх зөвшөөрөлгүй, ажилчид нь эрүүл мэндийн урьдчилан сэргийлэх үзлэг шинжилгээнд хамрагдаагүй, ариутгал, халдваргүйтгэл, хог хаягдлыг мэргэжлийн байгууллагаар хийж гүйцэтгүүлдэггүй зөрчлүүд илэрлээ. Массажистууд нь мэргэжлийн үнэмлэх, дипломгүй, физик хэмжилтээр стандартын шаардлага хангахгүй байсан тул прокурорын зөвшөөрөлтэйгөөр үйл ажиллагааг түр хугацаагаар зогсоож, зөрчлийн хэрэг нээж, зөрчил шалган шийдвэрлэх ажиллагааг явуулж байна. Хяналт шалгалт үргэлжилж байна.